CLC News

2023 ಜೂನ್ 11 ತಾರಿಕೆರ್ ಆಯ್ತಾರಾ ಸಾಂಜೆರ್ ಕ್ರೀಸ್ತೀ ಜಿಣಿಯೆ ಸಮುದಾಯ್ (ಸಿ.ಎಲ್.ಸಿ.) ಮಾಯ್ ದೆ ದೇವುಸ್ ಫಿರ್ಗಜ್, ಪುತ್ತೂರ್ 45ವ್ಯಾ ಸ್ಥಾಪನ್ ದಿವಸ್ ಆಚರಣ್ ಅರ್ಗಾಂ ಮಿಸಾಂ ಬಲಿದಾನಾ ಮುಖಾಂತ್ರ್ ಆರಂಭ್ ಕೆಲೆಂ.

ಉಪ್ರಾಂತ್ ಸಾಂಜೆರ್ 7.00 ವರಾರ್ ಮಾಯ್ ದೆ ದೇವುಸ್ ಫಿರ್ಗಜೆಚಾ ಸಾಲಾಂತ್ ಸಹಮಿಲನ್ ಚಲಯ್ಲೆ. ವೆದಿಚೆರ್ ಅಧ್ಯಕ್ಷ್ ಜಾವ್ನ್ ಫಿರ್ಗಜ್ ವಿಗಾರ್ ಭೋ. ಮಾ. ಬಾ. ಲಾರೆನ್ಸ್ ಮಸ್ಕರೇನ್ಹಸ್, ಸಿ.ಎಲ್.ಸಿ ಆತ್ಮಿಕ್ ನಿರ್ದೇಶಕ್ ಮಾ. ಬಾ. ಅನಿಲ್ ಡಿಮೆಲ್ಲೊ, ಮುಖೆಲ್ ಸಯ್ರೆ ಜಾವ್ನ್ ಶ್ರೀ ಎಲ್ರೋನ್ ರೊಡ್ರಿಗಸ್ ಉದ್ಯಮಿ, ಮಂಗ್ಳುರ್, ಶ್ರೀ ಅಲ್ವಿನ್ ರೊಡ್ರಿಗಸ್, ಸಿ.ಎ. ಮಂಗ್ಳುರ್, ದಿಯೆಸೆಜ್ ಸಿ.ಎಲ್.ಸಿ ಅಧ್ಯಕ್ಷ್ ಶ್ರೀ ಲಿಸ್ಟನ್ ಡಿಸೋಜಾ, ಫಿರ್ಗಜ್ ಗೊವ್ಳಿಕ್ ಮಂಡಳಿಚೊ ಉಪಾಧ್ಯಕ್ಷ್ ಶ್ರೀ ಜೆರಾಲ್ಡ್ ಡಿಕೊಸ್ತಾ ಹಾಜರ್ ಅಸ್‍ಲ್ಲೆ. ಕೊಸೆಸಾಂವ್ ಸಾಯ್ಬಿಣಿಚ್ಯಾ ಮಾನಾಕ್ ಗೀತ್ ಗಾವ್ನ್ ಕಾರ್ಯಕ್ರಮ್ ಪ್ರಾರಂಭ್ ಕೆಲೆಂ. ಆಧ್ಯಕ್ಷ್ ಮಾರ್ಟಿನ್ ಡಿಸೊಜಾನ್ ಸ್ವಾಗತ್ ಕೆಲೊ. ಕಾರ್ಯದರ್ಶಿ ವಿಲಿಯಂ ನೊರೊನ್ಹಾನ್ ವರ್ದಿ ಮಾಂಡನ್ ಕೆಲಿ.

ಖೆಳಾ ಕ್ಷೇತ್ರಾಂತ್ ಮಹಾಪ್ರಬಂಧ್ ಮಂಡನ್ ಕರ್ನ್ ಸನದ್ ಅಪ್ಣಾಯಿಲ್ಲ್ಯಾ ದೊತೊರ್ ಪ್ರಕಾಶ್ ಡಿಸೋಜಾಕ್ ಪುಲಾಂ ಫಳಾಂ ಅನಿ ಉಗ್ಡಾಸಾಚಿ ಕಾಣಿಕ್ ದೀವ್ನ್ ವಿಗಾರ್ ಬಾಪಾಂನಿ ಸನ್ಮಾನ್ ಕೆಲೊ. ದೊತೊರ್ ಪ್ರಕಾಶಾಚಿ ಪರಿಚಯ್ ಶ್ರೀ ಪೌಲ್ ಹೆರಾಲ್ಡ್ ಮಸ್ಕರೇನ್ಹಸನ್ ಕೆಲಿ. ಡಿಸ್ಟಿಂಕ್ಷನ್ ಘೆವ್ನ್ ಉತ್ತೀರ್ಣ್ ಜಾಲ್ಲ್ಯಾ ಸಿಎಲ್‍ಸಿ ಸಾಂದ್ಯಾಚ್ಯಾ ಭುರ್ಗ್ಯಾಂಕ್ ಪುಲಾಂ, ಫಳಾಂ ದೀವ್ನ್ ಮುಖೆಲ್ ಸಯ್ರೊ ಶ್ರೀ ಎಲ್ರೊನ್ ರೊಡ್ರಿಗಸಾನ್ ಸನ್ಮಾನ್ ಕೆಲೊ.

ದೆ. ಎ. ಬಿ. ವೇಗಸಾಚ್ಯಾ ನಾಂವಾರ್ ವೃತ್ತಿ ಶಿಕ್ಷಣ್ ಜೊಡ್ಚ್ಯಾ ದೊಗಾ ವಿದ್ಯಾರ್ಥಿಂಕ್ ರೂ. 30,000 ವಿದ್ಯಾರ್ಥಿ ವೇತನ್ ಹಸ್ತಾಂತರ್ ಕೆಲೆ. ಪಿ.ಯುಸಿ. ತಶೆಂಚ್ ಮೊಂಟೆಸರಿ ಶಿಕ್ಷಕ್ ವಿದ್ಯಾರ್ಥಿಂಕ್ ರೂ. 5,000 ಲೆಖಾರ್ ದೊಗಾಂಕ್ ವಿದ್ಯಾರ್ಥಿ ವೇತನ್ ಹಸ್ತಾಂತರ್ ಕೆಲೆಂ.

ಎಜ್ಯುಕೇರ್ ಕಾರ್ಯಕ್ರಮ ಬಾಬ್ತಿನ್ ಪಿರ್ಗಜೆಚ್ಯಾ 56 ದುಬ್ಳ್ಯಾ ವಿದ್ಯಾರ್ಥಿಂಕ್ ಶಿಕ್ಪಾ ಕುಮಾಕ್ ರೂ. 2 ಲಾಕ್ ದಾನಿ ಶ್ರೀ ಆಲ್ವಿನ್ ರೊಡ್ರಿಗಸ್ ಆನಿ ಶ್ರೀ ಲಾನ್ಸಿ ರೊಡ್ರಿಗಸಾನ್ ದಿಲಾ ಅಸ್ತಾಂ ಹ್ಯಾ ವಿದ್ಯಾರ್ಥಿಂಕ್ ಪ್ರೋತ್ಸಾಹ್ ಧನ್ ಶ್ರೀ ಆಲ್ವಿನ್ ರೊಡ್ರಿಗಸಾನ್ ಹಸ್ತಾಂತರ್ ಕೆಲೆ. ಮಾಯ್ ದೇ ದೇವುಸ್ ಇಸ್ಕೊಲಾಚ್ಯಾ ಎಕಾ ವಿಕಲಾಂಗ್ ವಿದ್ಯಾರ್ಥಿಕ್ ಕೃತಕ್ ಹಾತ್ ದಿವ್ಚೆಂ ಕಾರ್ಯಾಕ್ ಎದೊಳಚ್ಚ್ ಚಾಲನ್ ದಿಲಾ ಅಸ್ತಾ ತ್ಯಾ ವಿದ್ಯಾರ್ಥಿಕ್ ಪುಲ್ ದೀವ್ನ್ ತಾಚಿ ಪರಿಚಯ್ ಕೆಲಿ.

ಮಖೆಲ್ ಸಯ್ರೊ ಎಲ್ರೋನ್ ರೊಡ್ರಿಗಸ್ ಉಲೊವ್ನ್, ಸಿ.ಎಲ್.ಸಿ ಂತ್ ಯುವಜಾಣ್ ಉಣೆ ಜಾಲ್ಯಾತ್. ಯುವಜಾಣಾಂನಿ ಹ್ಯಾ ಸಂಘಟನಾಂಕ್ ಭರ್ತಿ ಜಾಯ್ಜಾಯ್ ಮ್ಹಣ್ ಸಂದೇಶ್ ದಿಲೊ. ಮಖೆಲ್ ಸಯ್ರೊ ಮಾ. ಬಾ. ಅನಿಲ್ ಡಿಮೆಲ್ಲೊ ಉಲೊವ್ನ್ ಸಮಾಜೆಂತ್ ಕಶೆÉಂ ಅಸಾಂವ್, ಕಿತೆಂ ಕರ್ತಾಂವ್ ತಶೆಂಚ್ ಕಿತೆಂ ಕರಿಜಾಯ್ ಮ್ಹಣ್ ಸಂದೇಶ್ ದಿಲೊ.

ವಿಗಾರ್ ಮಾ. ಬಾ. ಲಾರೆನ್ಸ್ ಮಸ್ಕರೇನಸಾನ್ ಸಿ.ಎಲ್.ಸಿ ನ್ ಕರ್ಚ್ಯಾ ಸಮಾಜ್ ಸೆವೆಕ್ ಶಾಭಾಸ್ಕಿ ಉಚಾರ್ಲಿ, ಸಾಂದ್ಯಾನಿ ಹರ್ಯೆಕ್ ವಾವ್ರ್ ಸಾಂ ಇನಾಸಾನ್ ಸಾಂಗಲ್ಲ್ಯೆ ಪರ್ಮಾಣೆ ದೆವಚ್ಯಾ ಅಧಿಕ್ ಮಹಿಮೆ ಖಾತಿರ್ ಕರಿಜಾಯ್ ಮ್ಹಣ್ ಉಲೊ ದಿಲೊ.

ಸಾಂಸ್ಕøತಿಕ್ ಕಾರ್ಯದರ್ಶೀ ನವೀನ್ ಡಿಸೋಜಾನ್ ವಂದನಾರ್ಪಣ್ ಕೆಲೆ. ಜೋನ್ ಪಿಂಟೊನ್ ಕಾರ್ಯಕ್ರಮ್ ನಿರ್ವಹಣ್ ಕೆಲೆ, ಸಹಾಯಕ್ ವಿಗಾರ್ ಬಾಪ್ ಲೋಹಿತ್ ಅಜಯ್ ಮಸ್ಕರೇನಸ್ ಹಾಣಿಂ ಜೆವ್ಣಾಚೆರ್ ಮಾಗ್ಣೆ ಕೆಲೆಂ. ಉಪ್ರಾಂತ್ ಜೆವ್ಣಾ ಸವೆಂ ಕಾರ್ಯಕ್ರಮ್ ಅಖೇರ್ ಜಾಲೆ.

-ವಿಲಿಯಂ ನೊರೊನ್ಹ, ಕಾರ್ಯದರ್ಶಿ