ಕ್ರಿಸ್ತಾಂವ್ ಶಿಕ್ಷಣ್ ದಿಸಾಚೊ ಸಂಭ್ರಮ್ (02.03.2025)

ಕ್ರಿಸ್ತಾಂವ್ ಶಿಕ್ಷಣಾಚಾ ದಿಸಾಚೊ ಸಂಭ್ರಮ್ ಮಾರ್ಚ್ 02, 2025 ವೆರ್ ಆಚರಣ್ ಕೆಲೊ. ಸಂಭ್ರಮಾಚೆಂ ಮಿಸಾಚೆಂ ಬಲಿದಾನ್ ಮಾ. ಬಾ. ಕ್ಲಿಫರ್ಡ್ ಪಿಂಟೊ ಹಾಣಿಂ ಭೆಟಯ್ಲೆಂ. ಮಿಸಾ ಉಪ್ರಾಂತ್ ಸಬಾ ಸಾಲಾಂತ್ ಕಾರ್ಯೆಂ ಮಾಂಡುನ್ ಹಾಡ್ಲೆಂ. ಹರ್ಯೇಕಾ ವರ್ಗಾಚಾ ಭುರ್ಗ್ಯಾಂನಿ ಭಾವಾರ್ಥಾಕ್ ಲಗ್ತಿಂ ಜಾಲ್ಲಿಂ ಸಾಂಸ್ಕೃತಿಕ್ ಕಾರ್ಯಕ್ರಮಾಂ ಸಾದರ್ ಕೆಲಿಂ. ಮುಖೆಲ್ ಸಯ್ರೆ ಜಾವ್ನ್ ಹಾಜರ್ ಆಸ್ ಲ್ಲ್ಯಾ ಮಾ. ಬಾ. ಕ್ಲಿಫರ್ಡ್ ಪಿಂಟೊನ್ ಸಂದೇಶ್ ದಿಲೊ. ಸವ್ಯಾ ವರ್ಗಾಚಾ ರೋಬಿನ್ ಸಿಕ್ವೇರಾ, ಧಾವ್ಯಾ ವರ್ಗಾಚಾ ಆನ್ಸಿಯ ಪಾಯ್ಸ್, ವ್ಹಡಿಲಾಂ ತರ್ಫೆನ್ ಮಾನೆಸ್ತಿಣ್ ಶಾಂತಿ ಕುಟಿನ್ಹಾ ತಶೆಂಚ್ ಕ್ರಿಸ್ತಾಂವ್ ಶಿಕ್ಷಣ್ ಶಿಕ್ಷಕಾಂ ತರ್ಫೆನ್ ಮಾನೆಸ್ತಿಣ್ ಲೆನಿಟಾ ಪ್ರೀಯಾ ಮೊರಾಸ್ ಹಾಣಿಂ ಕ್ರಿಸ್ತಾಂವ್ ಶಿಕ್ಷಣಾಚೊ ಆನ್ಭೋಗ್ ವಾಂಟುನ್ ಘೆತ್ಲೊ. ಕ್ರಿಸ್ತಾಂವ್ ಶಿಕ್ಷಣ್ ಪರೀಕ್ಷೆಂತ್ ಪಯ್ಲೆಂ, ದುಸ್ರೆಂ ಆನಿ ತಿಸೆಂ ಸ್ಥಾನ್ ಆಪ್ಣಾಯಿಲ್ಲ್ಯಾ ಭುರ್ಗ್ಯಾಂಕ್ ತಶೆಂಚ್ ಕ್ರಿಸ್ತಾಂವ್ ಶಿಕ್ಷಣ್ ಕ್ಲಾಸಿಕ್ ಚುಕಾನಾಸ್ತಾನಾ ಆನಿ ಏಕ್ ಪಾವ್ಟಿಂ ಚುಕ್ ಲ್ಲ್ಯಾಂಕ್ ಇನಾಮಾಂ ವಾಂಟ್ಲಿಂ. ಹ್ಯಾ ವರ್ಸಾ ಸರ್ವ್ ಭುರ್ಗ್ಯಾಂಕ್ ಬ್ಯಾಗಾಂ ವಿಶೇಷ್ ಕಾಣಿಕ್ ಜಾವ್ನ್ ದಿಲಿಂ.

ಲಿಶಲ್ ಡಿಸೋಜ ಆನಿ ವಿನ್ಸನ್ ಮಸ್ಕರೇನಸ್ ಹಾಣಿಂ ಕಾರ್ಯಾ ನಿರ್ವಾಹಕ್ ಜಾವ್ನ್ ಕಾರ್ಯೆಂ ಚಲವ್ನ್ ವೆಲೆಂ.