ಮಾಯ್ ದೆ ದೇವುಸ್ ಫಿರ್ಗಜ್ ಪುತ್ತೂರ್
ಫಿರ್ಗಜ್ಗಾರಾಂಕ್ ಕಳವ್ಣಿ
ಮೊಗಾಚಾ ಫಿರ್ಗಜ್ಗಾರಾಂಕ್
ವಿಗಾರಾಚೆ ಪ್ರಣಾಮ್
1. ಕೊರೊನಾ ಪಿಡೆಚಾ ಹ್ಯಾ ದಿಸಾಂನಿ ವಿವಿಧ್ ರಿತಿನಿ ಸರ್ವಾಂ ಕಷ್ಟ್ ಭೊಗ್ತಾತ್. ಸಬಾರಾಂಕ್ ಕೊವಿಡ್ ಪೊಜಿಟಿವ್ ಆಯ್ಲ್ಯಾರೀ ದೆವಾನ್ ಗೂಣ್ ಕೆಲಾಂ. ದೆವಾಕ್ ಜಾಂವ್ ಅರ್ಗಾಂ. ಪಿಡೆನ್ ಕಷ್ಟೊಂಚ್ಯಾಂಕ್ ದೇವ್ ಬರಿ ಭಲಾಯ್ಕಿ ದೀಂವ್. ಮರಣ್ ಪಾವ್ಲೆಲ್ಯಾಂಕ್ ದೇವ್ ಸಾಸಾಣ್ ವಿಶೆವ್ ಲಾಭೊಂವ್.ದುಃಖೆಸ್ತ್ ಕುಟ್ಮಾದಾರಾಂಕ್ ಭುಜವಣ್ ಫಾವೊ ಜಾಂವ್.
2. ಲಾಕ್ ಡೌವ್ನ್ ಜಾವ್ನ್ ಸುಮಾರ್ ದೋನ್ ಮಹಿನೆ ಜಾತಾತ್. ಕಾಮ್ ನಾಸ್ತಾನಾಂ, ವ್ಯವಹಾರ್ ನಾಸ್ತಾನಾಂ ಸಭಾರ್ ಕುಟ್ಮಾಂಕ್ ಆರ್ಥಿಕ್ ಅಡ್ಚಣ್ ಜಾಲ್ಯಾ. ಆಮ್ಚ್ಯಾ ಫಿರ್ಗಜೆ ತರ್ಫೆನ್ ಗೆಲೊತ್ಯಾ ಮಹಿನ್ಯಾಂತ್ ಸುಮಾರ್ 105 ಕುಟ್ಮಾಂಕ್ ಖಾಣಾ ವೊರ್ವಿ ( food kits) ದಿಲ್ಯಾ. ಸಿ.ಎಲ್. ಸಿ. ತರ್ಫೆನ್ ಸುಮಾರ್ 70 ಕುಟ್ಮಾಂಕ್ ಖಾಣಾ ವೊರ್ವಿ ದಿಲ್ಯಾ. ಪಿಡೆಸ್ತಾಂಕ್ ಗರ್ಜೆಚಿ ಕುಮೊಕ್ ದಿಲ್ಯಾ. ಹ್ಯಾ ಖಾತಿರ್ ಉದಾರ್ ಮನಾಚೆಂ ದಾನ್ ದಿಲ್ಲ್ಯಾ ಫಿರ್ಗಜ್ಗಾರಾಂಕ್ ದೇವ್ ಬರೆಂ ಕರುಂ.
3. ಸಕ್ಕಡ್ ಕುಟ್ಮಾಂಕ್ ಖಾಣಾ -ವೊರ್ವಿ ( food kits):
ಹ್ಯಾ ದಿಸಾಂನಿ ದುರ್ಬಳ಼್ಯಾ ಕುಟ್ಮಾಂಕ್ ಮಾತ್ರ್ ನಹಿಂ, ಮಧ್ಯಮ್ ವರ್ಗಾಚ್ಯಾ ಕುಟ್ಮಾಂಚಾಕ್ ಯೀ ಕಷ್ಟ್ ಜಾಲ್ಯಾತ್. ತ್ಯಾ ಖಾತಿರ್ ಜೂನ್ 15, 16, 17, 18 ವೆರ್ ಫಿರ್ಗಜೆಚಾ ಸಕ್ಕಡ್ ಕುಟ್ಮಾಂಕ್ ಖಾಣಾ ವೊರ್ವಿ ಫಿರ್ಗಜೆ ತರ್ಫೆನ್ ವಾಂಟ್ತೆಂಲ್ಯಾಂವ್. ಹ್ಯಾ ಬರ಼್ಯಾ ಕಾಮಾಕ್ ಫಿರ್ಗಜೆಚಿಂ ಸರ್ವ್ ಸಂಘಟನಾ ಸಂತೊಸಾನ್ ಹಾತ್ ಮೆಳಯ್ತಾತ್ ಆನಿ ತಾಂಕಿ ಪುರ಼್ತೆಂ ದಾನ್ ದಿತಾತ್. ( ಎಸ್. ವಿ.ಪಿ. / ಕಥೊಲಿಕ್ ಸಭಾ/ ಸ್ತ್ರೀ ಸಂಘಟನ್/ ಮರಿಯೆಚೆಂ ಲೀಜನ್/ ಡೊನ್ ಬೊಸ್ಕೊ ಕ್ಲಬ್/ಸಿ.ಎಲ್. ಸಿ/ ಕ್ರಿಸ್ಟೊಫರ್ ಎಸೊಶಿಯೇಶನ್/ ಐ.ಸಿ.ವೈ.ಯಂ. )
4. ಖಾಣಾ ವೊರ್ವಿಂ ಘೆಂವ್ಕು ಕೊಣೀ ದಾಕ್ಷೆಣ್ ಕರ್ಚಿ ವ ಲಜ್ ಕರ಼್ಚಿ ನಾಕಾ. ಫಿರ್ಗಜೆ ತರ್ಫೆನ್ ತುಮ್ಕಾಂ ಮೊಗಾನ್ ದಿಂವ್ಚಿ ಹಿ ಲಾನ್ ಕಾಣಿಕ್ ಮ್ಹಣ್ ಘೆಯಾ. ಜರ್ ಖಂಚಾ ಕುಟ್ಮಾಕ್ ಖಾಣಾ- ವೊರ್ವಿ ( food kits)ನಾಕಾಚ್ ಮ್ಹಣ್ ಭೊಗ್ತಾ ತರ್ ತುಮಿ ತುಮ್ಚ್ಯಾ ಗುರ್ಕಾರಾಂಕ್ ಕಳಯಾ. ತವಳ್ ಆಮ್ಕಾಂ ಸಾರ್ಕಿ ಮಾಂಡವಳ್ ಕರುಂಕ್ ಸಲೀಸ್ ಜಾತಾ.
5. ಖಾಣಾ - ವೊರ್ವಿ ವಾಂಟ್ಚಿ ಮಾಂಡವಳ್ ಹ್ಯಾ ಪರಿಂ ಆಸ್ತೆಲಿ
ಜಾಗೊ : ಇಗರ್ಜೆ ಸಾಲ್
ವೇಳ್ : ಸಕಾಳಿಂ 8 - 9 ವರಾಂ ಭಿತರ್
ವಿ.ಸೂ : ಯೆತಾನಾ ಪೊತೆಂ ( ಬ್ಯಾಗ್ ) ಹಾಡಿಜೆ.
ಜವಾಬ್ದಾರಿ : ಸರ್ವ್ ವಾಡ್ಯಾಚೆ ಗುರ್ಕಾರ್ + ಸಂಘಟನಾಚೆ ಮುಖೆಲಿ/ ಸಾಂದೆ.
ಮಂಗ್ಳಾರ ಜೂನ್ 15
1. ಪಾರ್ಲಡ್ಕ ವಾಡೊ
2. ತೆಂಕಿಲ ವಾಡೊ
3. ದರ್ಬೆ ವಾಡೊ
4. ಕಲ್ಲರೆ ವಾಡೊ
5. ಸಾಮೆತಡ್ಕ ವಾಡೊ
ಬುದ್ವಾರ, ಜೂನ್ 16
1. ಸಾಂ. ತೆರೆಜ್ ವಾಡೊ
2.ರೋಟರಿಪುರ ವಾಡೊ
3. ಪಾಂಗ್ಳಾಯ್ ವಾಡೊ
4. ಪುತ್ತೂರ್ ವಾಡೊ
ಬ್ರೇಸ್ತಾರ, ಜೂನ್ 17
1. ನಿತ್ಯಾಧಾರ್ ವಾಡೊ
2. ಬಪ್ಪಳಿಗೆ ವಾಡೊ
3. ಹರಾಡಿ ವಾಡೊ
4. ಮೊಟ್ಟೆ ತಡ್ಕ ವಾಡೊ
ಸುಕ್ರಾರ , ಜೂನ್ 18
1. ಗುಂಡ್ಯಾಡ್ಕ ವಾಡೊ
2. ಸಾಂಟ್ಯಾರ್ ವಾಡೊ
3. ಪದವ್ ವಾಡೊ
4. ಬಲ್ನಾಡ್ ವಾಡೊ
5. ಶಿಂಗಾಣಿ ವಾಡೊ
6. ಮಿತ್ತೂರ್ ವಾಡೊ
ವಿ. ಸೂ. ಸುಕ್ರಾರ , ಹ್ಯಾ 6 ವಾಡ್ಯಾಂಕ್ ಖಾಣಾ ವೊರ್ವಿ ತ್ಯಾ ತ್ಯಾ ವಾಡ್ಯಾಂತ್ ಏಕಾ ಜಾಗ್ಯಾರ್ ಹಾಡುನ್ ದಿತಲೆ, ವಾಡ್ಯಾಗಾರಾಂನಿ ತ್ಯಾ ಜಾಗ್ಯಾ ಥಾವ್ನ್ ವರಿಜೆ. ಹ್ಯಾ 6 ವಾಡ್ಯಾಚೆ ಗುರ್ಕಾರ್ ವಾಡ್ಯಾಗಾರಾಂಕ್ ಹ್ಯಾ ವಿಶಿಂ ಮಾಹೆತ್ ದಿತಲೆ.
6. a) ವಾಡ್ಯಾಂಕ್ ನಮ್ಯೆರ಼್ಲೆಲ್ಯಾ ದಿಸಾಚ್ ಖಾಣಾ -ವೊರ್ವಿ ವರುಂಕ್ ಕುಟ್ಮಾಚಾ ಏಕಾ ಸಾಂದ್ಯಾಂನ್ ಯೆಂವ್ಚೆಂ. ಹೆರಾಂ ದಿಸಾಂನಿ ಯೇನಾಯೆ.
b) ಪ್ರಾಯ್ವಂತಾಂಕ್ ವ ಪಿಡೆಸ್ತಾಂಕ್ ಯೇಂವ್ಕುಚ್ ಜಾಯ್ನಾ ತರ್ ಗುರ್ಕಾರಾಕ್ ಕಳಯಾ. ತಸಲ್ಯಾಂಕ್ ತಾಂಚಾ ಘರಾ ಪಾವಿತ್ ಕರ಼್ಚಿ ಮಾಂಡವಳ್ ಕರ಼್ತೆಲ್ಯಾಂವ್.
c) ಏಕಾ ಕುಟ್ಮಾಚಿ ವೊರ್ವಿ ಅನ್ಯೇಕಾ ಕುಟ್ಮಾನ್ ವರ಼್ನ್ ದೀಂವ್ಕು ಆವ್ಕಾಸ್ ನಾ.
d) ಸಕಾಳಿಂ 8 ಥಾವ್ನ್ 9 ವರಾಂ ಭಿತರ್ ಚ್ ಯೇಜಯ್. ಉಪ್ರಾಂತ್ ವೊರ್ವಿ ಮೆಳ್ಚಿ ನಾ.
7. ಆಮ್ಚ್ಯಾ ಫಿರ್ಗಜೆಂತ್ ಪ್ರಸ್ತುತ್ 674 ಕುಟ್ಮಾಂ ಆಸಾತ್. ಫಿರ್ಗಜೆಂತ್ ವಸ್ತಿ ಕರ಼್ಚಿಂ ಕುಟ್ಮಾಂ 653. 21 ಕುಟ್ಮಾಂ ಫಿರ್ಗಜೆ ಭಾಯ್ರ್ ಆಸಾತ್. ಸರ್ವ್ ಕುಟ್ಮಾಂಕ್ ಖಾಣಾ - ವೊರ್ವಿ ದೀಂವ್ಕು ಸುಮಾರ್ 5 ಲಾಕ್ ರುಪಯ್ ಖರ್ಚ್ ಜಾತಲೊ. ಥೊಡ್ಯಾಂನಿ ಹ್ಯಾ ಖಾತಿರ್ ದಾನ್ ದಿಲಾಂ. ಉದಾರ್ ಮನಾಚಾ ದಾನಿಂನಿ ಹ್ಯಾ ಬರ಼್ಯಾ ಕಾಮಾ ಖಾತಿರ್ ದಾನ್ ದೀಂವ್ಕು ವಿನತಿ ಕರ಼್ತಾಂವ್. ದಾನಿಂಚಿಂ ನಾಂವಾಂ ವೆಗಿಂಚ್ ಫಾಯ್ಸ್ ಕರ಼್ತೆಲ್ಯಾಂವ್.
8. ಭಲಾಯ್ಕೆಚಿ ಜತನ್ ಕರಾ, ಕುಟ್ಮಾಂತ್ ಮಾಗ್ಣ್ಯಾಕ್ ಆನಿ ದೆವಾಚಾ ಉತ್ರಾಕ್ ವೇಳ್ ದಿಯಾ. ತುಮ್ಚೆ ಖಾತಿರ್ ಆಮಿ ಸದಾಂ ಮಾಗ್ತಾಂವ್.
ಸಮೇಸ್ತಾಂಕ್ ದೇವ್ ಬರೆಂ ಕರುಂ.
ತುಮ್ಚೆರ್ ದೆವಾಚೆಂ ಬೆಸಾಂವ್ ಮಾಗ್ತಾಂ.
ಮೊಗಾ ಸವೆಂ
ಬಾಪ್ ಲೊರೆನ್ಸ್ ಮಸ್ಕರೇನ್ಹಸ್
ವಿಗಾರ್, ಮಾಯ್ ದೆ ದೇವುಸ್ ಫಿರ್ಗಜ್ ಪುತ್ತೂರ್ .
