2016 ಆಗೊಸ್ತು ಮಹಿನ್ಯಾಚ್ಯಾ ತಾರೀಕ್ 21 ವೆರ್ ಮಾಯ್ ದೆ ದೆವುಸ್ ಸಭಾ ಸಾಲಾಂತ್ ಶಾಲೋಮ್ ಸ್ತ್ರೀ ಸಂಘಟನಾಚ್ಯಾ ಮುಖೇಲ್ಪಣಾಖಾಲ್ ಅಲ್ಪ ಸಂಖ್ಯಾತಾಂಕ್ ಸರ್ಕಾರ ಥಾವ್ನ್ ಮೆಳ್ಚ್ಯಾ ಸೌಲತಾಯೆ ವಿಶಿಂ ಮಾಹೆತ್ ಶಿಬಿರ್ ಆಸಾ ಕೆಲ್ಲೆಂ. 1982 ಥಾವ್ನ್ ರಾಜಕೀಯಾಂತ್ ಹೆಳ್‍ಲ್ಲೊ ರಾಜಕೀಯ್ ಫುಡಾರಿ ವಿಧಾನ ಪರಿಷದೆಚೊ ಸಾಂದೊ, ಕರ್ನಾಟಕ ಸರ್ಕಾರಾಚೊ ಮುಖ್ಯ ಸಚೇತಕ್ ಮಾನೆಸ್ತ್ ಐವನ್ ಡಿ’ಸೋಜ ಹಾಜರ್ ಆಸ್‍ಲ್ಲೊ. ಹ್ಯಾ ಸಂಧಂರ್ಬಿ ತಾಂಕಾ ವೆದಿರ್ ಅಲಂಕೃತ್ ಜಾಲ್ಲ್ಯಾ ಸರ್ಯಾಂ ಸವೆಂ ಮಾನಧಿಕ್ ವಿಗಾರ್ ಬಾಪಾನಿಂ ಶಾಲ್ ಪಾಂಗ್ರೊವ್ನ್ ಸನ್ಮಾನ್ ಕೆಲೊ. ಉಪ್ರಾಂತ್ ಮಾನೆಸ್ತ್ ಐವನ್ ಡಿ’ಸೋಜ ಆನಿಂ ತಾಚ್ಯಾ ಪಂಗ್ಡಾನ್ ಅಲ್ಪಸಂಖ್ಯಾತಾಂಕ್ ಮ್ಹಣ್ಜೆ ಕ್ರಿಸ್ತಾವಾಂಕ್ ಸರ್ಕಾರ ಥಾವ್ನ್ ಮೆಳ್ಚ್ಯಾ ಸವ್ಲತಾಯೆ ವಿಶಿಂ ಸಂಪೂರ್ಣ್ ಮಾಹೆತ್ ದಿಲಿ.
ಕಾರ್ಯಕ್ರಮಚ್ಯಾ ಸುರ್ವೆರ್ ಶಾಲೊಮ್ ಸ್ತ್ರೀ ಸಂಘಟನಾಚ್ಯಾ 2016-2019 ವ್ಯಾ ಆವ್ದೆಕ್ ಹುದ್ದೆದಾರ್ ಜಾವ್ನ್ ವಿಂಚುನ್ ಆಯಿಲ್ಲ್ಯಾ ಶ್ರೀಮತಿ ಸಿಲ್ವಿಯಾ ಡಿಸೋಜ ಅಧ್ಯಕ್ಷಿಣ್, ಶ್ರೀಮತಿ ಫಿಲೊಮಿನ ಡಿಸೋಜ ಉಪಾಧ್ಕಕ್ಷಿಣ್, ಶ್ರೀಮತಿ ಎವ್ಲಿನ್ ಡಿಸೋಜ ಕಾರ್ಯದರ್ಶಿ, ಶ್ರೀಮತಿ ಪೊಲಿ ಪಾೈಸ್ ಖಜಾನ್ದಾರ್ ಹಾಂಕ ಹುದ್ದೊ ಹಸ್ತಾಂತರ್ ಕಾರ್ಯೆಂ ಚಲವ್ನ್ ವೆಲೆಂ. ಹ್ಯಾ ಸಂದರ್ಭಿಂ ಡಿಸಿಸಿಡಬ್ಲ್ಯು ಚೊ ಆತ್ಮಕ್ ನಿರ್ದೇಶಕ್ ಮಾ. ಬಾ. ಫ್ರಾನ್ಸಿಸ್ ಡಿಸೋಜ ಆನಿ ಡಿಸಿಸಿಡಬ್ಲ್ಯು ಚಿ ಅಧ್ಯಕ್ಷಿಣ್ ಶ್ರೀಮತಿ ಹಿಲ್ಡಾ ಆಳ್ವಾ ಮಾನಾಚಿಂ ಸಯ್ರಿಂ ಜಾವ್ನ್ ಹಾಜರ್ ಆಸ್ಲಿಂ. ಕಾರ್ಯಕ್ರಮಚ್ಯಾ ಅಖ್ರೇಕ್ ಕಾಫಿ ಫಳಹಾರ್ ಆಸಾಕೆಲ್ಲೊ.
ಮರೀಲ್, ಬನ್ನೂರ್ ತಶೆಂಸ್ ಆಸ್ ಪಾಸ್ಚೆ ಫಿರ್ಗಜ್ ಲೋಕ್ ಹಾಜರ್ ಆಸೊನ್ ಕಾರ್ಯಚೊ ಫಾಯ್ದೊ ಜೊಡ್ಲೊ. ಶ್ರೀಮತಿ ಲೂಸಿ ಮೊರಾಸಾನ್ ಸ್ವಾಗತ್ ಕರ್ನ್, ಶ್ರೀಮತಿ ಲವಿನಾ ಪಿಂಟೋನ್ ಉಪ್ಕಾರ್ ಆಟಯ್ಲೊ. ಶ್ರೀಮತಿ ಮಮತ ಲೋಬೊನ್ ಕಾರ್ಯ ನಿರ್ವಹಣ್ ಕರ್ನ್ ಕಾರ್ಯೆ ಸೊಬಯ್ಲೆಂ.
