ಪುತ್ತೂರ್ ಸಿ.ಎಲ್.ಸಿ. ಸಮುದಾಯೆಚೊ ಪಾತ್ರೊನ್ ಸಾಂ. ಇನಾಸ್ ಲೊಯೆಲಾಚ್ಯಾ ಪರ್ಬೆಚ್ಯೆ ಸಂದರ್ಬಿ ಆಸಾ ಕೆಲ್ಲ್ಯಾ ಸಹಮಿಲನ್ ಕಾರ್ಯಕ್ರಮಾಚೆಂ ಅಧ್ಯಕ್ಷ್ ಸ್ಥಾನ್ ಸೊಬಾಯಿಲ್ಲ್ಯೆ ಪುತ್ತೂರ್ ಫಿರ್ಗಜೆಚೆ ವಿಗಾರ್ ಭೊ| ಮಾ| ಲೊರೆನ್ಸ್ ಮಸ್ಕರೇನ್ಹಸ್, ದಿಯೆಸೆಜೆಚೊ ಆತ್ಮೀಕ್ ಸಸಹಾಯಕ್ ಮಾ|ಬಾ| ಅನಿಲ್ ಡಿಮೆಲ್ಲೊ ಮುಖೆಲ್ ಸೈರೊ ಶ್ರೀ ಎಲ್ರೋನ್ ರೊಡ್ರಿಗಸ್, ಪುತ್ತೂರ್ ಗೊವ್ಳಿಕ್ ಪರಿಷಧೆಚೊ ಉಪಾಧ್ಯಕ್ಷ್ ಮಾನೆಸ್ತ್ ಜೆರಾಲ್ಡ್ ಡಿಕೊಸ್ತಾ, ಸಿ.ಎಲ್.ಸಿ. ಎಜ್ಯುಕೇರ್ ಗೌರವ್ ಸಾಂದೊ ಶ್ರೀ ಆಲ್ವಿನ್ ರೊಡ್ರಿಗಸ್, ಹಾಜರ್ ಆಸ್ಚ್ಯಾ ಧಾರ್ಮಿಕಾನೊಂ. ಗುರ್ಕಾರಾನೊಂ, ದಾನಿನೊಂ, ಹಿತಚಿಂತಕಾನೊಂ ಆನಿ ಸಿ.ಎಲ್.ಸಿ. ಸಾಂದ್ಯಾಚ್ಯಾ ಕುಟ್ಮಾದಾರಾನೊಂ,
2022 -2023 ವ್ಯಾ ವರ್ಸಾಚಿ ಸಿ.ಎಲ್.ಸಿ.ಚಿ ಕಾರ್ಯವೆಳೆಚಿ ಝಳಕ್ ತುಮ್ಚ್ಯಾ ಮುಕಾರ್ ದವರುಂಕ್ ಖುಶಿ ವರಾಂ್ತ.
ಸ್ಥಾಪನ್:
1978 ಜುನಾಚಾ 11 ತಾರ್ಕೆರ್ ಪುತ್ತೂರ್ಚ್ಯಾ ಉರ್ಬೆವಂತ್ ತರ್ನಾಟ್ಯಾನಿಂ ‘ಮರ್ಯೆ ದ್ವಾರಿಂ ಕ್ರಿಸ್ತಾ ಥಂಯ್’ ಮ್ಹಳ್ಳ್ಯಾ ಧ್ಯೇಯಖಾಲ್, ಲೊಯಾಲಾಚ್ಯಾ ಸಾಂ| ಇನಾಸಾಚಾ ಆತ್ಮಿಕ್ ಅಭ್ಯಾಸಾಂ ವಯ್ರ್ ಬಾಂದುನ್ ಹಾಡ್‍ಲ್ಲೊ ಹೊ ಮೇಳ್ ಪುತ್ತೂರಾಂತ್ ಪ್ರಾರಂಭ್ ಕೆಲೊ. ಸಿ.ಎಲ್.ಸಿ. ಏಕ್ ಜಾಗತಿಕ್ ಸಮುದಾಯ್ ಜಾವ್ನಾಸ್ತಾಂ ಭಾಗೆವಂತ್ ಪಾಪಾ ಜಾಗತಿಕ್, ದಿಯೆಸೆಜೆಂತ್ ಗೊವ್ಳಿ ಬಾಪ್ ಆನಿ ಫಿರ್ಗಜೆಂತ್ ವಿಗಾರ್ ಬಾಪ್ ಆತ್ಮೀಕ್ ಸಹಾಯಕ್ ಜಾವ್ನಾಸಾತ್.
2023ವ್ಯಾ ವರ್ಸಾಚೆ ಹುದ್ದೆದಾರ್ :
ಅಧ್ಯಕ್ಷ್ : ಮಾರ್ಟಿನ್ ಡಿಸೋಜಾ
ಉಪಾಧ್ಯಕ್ಷ್ : ಪ್ರವೀಣ್ ಮೊಂತೇರೊ
ಕಾರ್ಯದರ್ಶಿ : ವಿಲಿಯಂ ನೊರೊನ್ಹಾ
ಸಹ ಕಾರ್ಯದರ್ಶಿ : ಜೊನ್ಸನ್ ಸಿಕ್ವೇರಾ
ಖಜನ್ದಾರ್ : ಸ್ಟೇನಿ ಪ್ರವೀಣ್ ಮಸ್ಕರೇನಸ್
ಲೇಖ್ ತಪಾಸ್ಣಾರ್ : ಪೌಲ್ ಹೆರಾಲ್ಡ್ ಮಸ್ಕರೆನಸ್
ಲಿತುರ್ಜಿ ಕಾರ್ಯದರ್ಶಿ : ರಿಚಾರ್ಡ್ ಮಸ್ಕರೇನ್ಹಸ್
ಖೆಳ್ ಆನಿ ಸಾಂಸ್ಕøತಿಕ್ ಕಾರ್ಯದರ್ಶಿ : ನವೀನ್ ಡಿಸೋಜಾ
ಧಾರ್ಮಿಕ್ ಸ್ಟಾಲ್ ಜವಾಬ್ದಾರಿ : ಡೆನ್ನಿಸ್ ಸೆರಾವೊ
ದಿಯೆಸೆಜ್ ಫೆಡರೇಶನಾಚೊ ಪ್ರತಿನಿಧಿ : ಜೆಸನ್ ವರ್ಗಿಸ್
ಕಾರ್ಯಕಾರಿ ಸಮಿತಿಚೆ ಸಾಂದೆ : ವಿನ್ಸೆಂಟ್ ಮಸ್ಕರೇನಸ್, ಎಲಿಯಾಸ್ ಪಿಂಟೊ
ಪ್ರಸ್ತುತ್ 39 ಸಾಂದೆ ಆಸೊನ್ ಹಾಂತುನ್ 2 ಜಣ್ ಸ್ಥಾಪಕ್ ಸಾಂದೆ ಆಸಾತ್.
ಜಮಾತ್ಯೊ ಆನಿ ಕಾರ್ಯಕಲಾಪ್ :
15 ದಿಸಾಕ್ ಏಕ್ ಪಾವ್ಟಿಂ ಜಮಾತ್ ಚಲಯ್ತಾಂವ್. ಜಮಾತೆರ್ ವಾಚಾಪ್ ವಾಚುನ್ ನಿಯಾಳ್ ಕರ್ನ್, ಏಕ್ ಖಣ್ ತೇರ್ಸ್ ಶಿಕಯ್ತಾಂವ್. ಫಿರ್ಗಜೆಚಾ ಆನಿಂ ಸಮಾಜೆಚಾ ಅಭಿವೃದ್ಧೆ ಖಾತಿರ್ ವಾವ್ರ್ ಕರ್ಚೆ ನಿರ್ಧಾರ್ ಘೆತಾಂವ್. ತಶೆಂಚ್ ಸಾಂದ್ಯಾಂಕ್ ಸಾಕ್ರಾಮೆಂತಾಚೆಂ ಆರಾಧನ್, ವರ್ಸಾಕ್ ಅರ್ದ್ಯಾ ದಿಸಾಚಿಂ ರೆತಿರ್ ಆಸಾ ಕೆಲ್ಯಾ. ಸಾಂದ್ಯಾನಿಂ ಹಾಚೆ ಥಾವ್ನ್ ಆತ್ಮೀಕ್ ಬರೆಪಣ್ ಜೊಡ್ಲಾಂ.
ದಿಯೆಸೆಜ್ ಸಿ.ಎಲ್.ಸಿ. ಫೆಡರೇಶನಾಲಾಗಿಂ ಬರೊ ಸಂಬಂಧ್ ದವರ್ಲಾ. ತಾಣಿಂ ಚಲಯಿಲ್ಲ್ಯಾ ಜಮಾತೆಂತ್ ಆನಿಂ ಇತರ್ ಕಾರ್ಯಕ್ರಮಾಂತ್ ಭಾಗ್ ಘೆತ್ಲಾ. ಆಂಮ್ಚೊ ಸಾಂದೊ ಜೆಸನ್ ವರ್ಗಿಸ್ ಫೆಡರೆಶನಾಚ್ಯಾ ಜಮಾತೆಂತ್ ಆಮ್ಚೊ ಪ್ರತಿನಿಧಿ ಜಾವ್ನ್ ಭಾಗ್ ಘೆತಾ.
ಸಮಾಜಿಕ್ ಕಾರ್ಯಕ್ರಮಾಂ :
- ಆಮ್ಚೊ ಹಿತಚಿಂತಕ್ ಆ್ಯಲ್‍ರೊನ್ ರೊಡ್ರಿಗಸ್ ಆನಿ ಸಿ.ಎಲ್.ಸಿ. ಸಾಂದ್ಯಾನಿಂ ಮೆಳೊನ್ ಮೊಂತಿ ಸಾಯ್ಬಿಣಿಚ್ಯಾ ಫೆಸ್ತಾ ಸಂದರ್ಬಿ ಪುತ್ತೂರು, ಮರಿಲ್ ಅನಿ ನಿಡ್ಪಳ್ಳಿ ಫಿರ್ಗಜೆಚ್ಯಾ ಗರ್ಜೆವಂತ್ 200 ಕುಟ್ಮಾಕ್ ತಾಂದುಳ್ ಆನಿ ರಾಂದ್ವಯ್ ವಾಂಟ್ಲ್ಯಾ. ಹ್ಯಾ ಯೋಜನಾಕ್ ರೂ. 2 ಲಾಕ್ ಖರ್ಚ್ ಜಾಲಾಂ.
- ಪೆರುವಾಯಿ ಇಗರ್ಜೆಕ್ 12 ಸೀಲಿಂಗ್ ಫೆನಾಂ ಅಮ್ಚೆ ತರ್ಪೆನ್ ದಾನ್ ಜಾವ್ನ್ ದಿಲ್ಯಾಂತ್
- ಸಾಂ ವಿತೊರ್ ಹೈಸ್ಕೋಲಾಚ್ಯಾ ನವೀಕರಣಾಕ್ ರೂ. 30,000 ದಾನ್ ಜಾವ್ನ್ ದಿಲಾಂ
- ಫಿರ್ಗಜೆ ತರ್ಫೆನ್ ಕರೆಜ್ಮಾಂತ್ ಅಸಾ ಕೆಲ್ಲ್ಯಾ ದಾರ್ಮಿಕ್ ತಶೆಂಚ್ ಸಾಮಾಜಿಕ್ ನಾಟಕಾಕ್ ಆಮ್ಚೆ ತರ್ಫೆನ್ ರೂ 10,000 ದೀವ್ನ್ ಸಹಕಾರ್ ದಿಲಾ
- ಜೂನ್ ಮಹಿನ್ಯಾಂತ್ ಪರಿಸರ್ ದೀಸ್ ಆಚರನ್ ಕರ್ನ್ ಸಾಂದ್ಯಾಂಕ್ ತಶೆಂಚ್ ಇತರ್ ಲೊಕಾಂಕ್ ಪುಲಾಂ ಫಳಾಚಿ ಝಡಾಂ ದೀವ್ನ್ ಪರಿಸರ್ ವಿಶ್ಯಾಂತ್ ಜಾಗೃತಿ ಅಸಾ ಕೆಲ್ಯಾ.
ದುಬ್ಳ್ಯಾ ಗರ್ಜೆವಂತ್ ಪಿಡೆಸ್ತಾಂಕ್ ವೈದ್ಯಕೀಯ ಕುಮಾಕ್
- ಪುತ್ತೂರ್, ಮರೀಲ್ ಅನಿ ಬನ್ನೂರ್ ಪಿರ್ಗಜೆಚ್ಯಾ ದುಬ್ಳ್ಯಾ ಗರ್ಜೆವಂತ್ ಪಿಡೆಸ್ತಾಂಕ್ ತಾಂಚಿ ಆರ್ಥಿಕ್ ಸ್ಥಿತಿ ಪಳೆವ್ನ್ ಚಿಕಿತ್ಸೆ ಖಾತಿರ್ ಆರ್ಥಿಕ್ ಕುಮೊಕ್ ಕೆಲ್ಯಾ.
- ಅಮ್ಚೊ ಸಾಂದೊ ಗಂಬೀರ್ ಪಿಡೆಕ್ ಒಳಗ್ ಜಾಲ್ಲ್ಯಾ ವೆಳಾರ್ ತಾಚ್ಯಾ ಚಿಕಿತ್ಸೆ ಖಾತಿರ್ ಸಾಂದ್ಯಾಚಿ ಘುಟಾಚಿ ಕಾಣಿಕ್ 1 ಲಾಕ್ ಆನಿ ಫÀಂಡಾಥಾವ್ನ್ ರೂ 50,000 ದಿಲಾ.
- ಫಿರ್ಗಜೆಚ್ಯಾ ಮನವಿಕ್ ಸ್ಪÀಂದನ್ ಜಾವ್ನ್ ಪಿಡೆಚ್ಯಾ ಖರ್ಚಾಕ್ 2022-23ವ್ಯಾ ವರ್ಸಾಂತ್ 80,000/- ದಾನ್ ದಿಲಾ.
ವೈಧ್ಯಕೀಯ ತಪಸ್ಣೆ ಶಿಬಿರ್: - Prevention is better than cure’ ಮ್ಹಳ್ಯಾ ಧ್ಯೇಯಖಾಲ್ ಫಾ. ಮುಲ್ಲರ್ ಆಸ್ಪತ್ರೆಚ್ಯಾ ಸೈಕಿಯಾಟ್ರಿಕ್ ವಿಭಾಗಚ್ಯಾ ಡಾ. ಕೆಲೊಲಿನ್ ಹಾಂಚಾ ಮುಖೆಲ್ಪಣಾಖಾಲ್ ಮಾನಸಿಕ್ ಬಲಾೈಕಿ ಮೊಬೈಲ್ ಉಪಯೋಗಾ ಥಾವ್ನ್ ಜಾಂವ್ಚ್ಯಾ ಸಮಸ್ಯೆ ವಿಶ್ಯಾಂತ್ ಜಾಗೃತಿ ಶಿಬಿರ್ ಅಸಾ ಕೆಲಾಂ.
- Cancer Society of India & Fr Muller ಅಸ್ಪತ್ರೆಚ್ಯಾ ಸಹಾಕರಾನ್ Cancer ತಶೆಂಚ್ ಇತರ್ ಪಿಡೆ ತಪಾಸ್ಣೆ ಶಿಬಿರ್ ಅಸಾ ಕೆಲಾಂ. ಹ್ಯಾ ಶಿಬಿರಾಂತ್ 200 ಜಾಣಾನಿ ಬಲಾೈಕಿ ತಪಾಸ್ಣಿ ಕೆಲ್ಯಾ, ಗರ್ಜೆಚಿ ಒಕ್ತಾಂ ಫಲಾನುಭವಿಂಕ್ ದಿಲ್ಯಾಂತ್.
ಎಜ್ಯುಕೇರ್ :
*
- ಎಜ್ಯುಕೇರ್ ಯೊಜನಾ ಮುಖಾಂತ್ರ್ ಪಯ್ಲ್ಯಾ ಕ್ಲಾಸಿ ಥಾವ್ನ್ ಧಾವಿ ಕ್ಲಾಸಿ ಮ್ಹಣಾಸರ್
ಗರ್ಜೆವಂತ್ ವಿದ್ಯಾರ್ಥಿಂಕ್ ಶಿಕ್ಪಾ ಕುಮೊಕ್ ದಿಂವ್ಚೆಂ ಯೊಜನ್ ನಿರಂತರ್ 5 ವರ್ಸಾಂ ಥಾವ್ನ್ ಚಲೊವ್ನ್ ಅಸಾ. ಪ್ರಸ್ತುತ್ 52 ಭುರ್ಗಿಂ ಹ್ಯಾ ಯೋಜನಾಚೆಂ ಬರೆಂಪಣ್ ಜೋಡ್ನ್ ಅಸಾತ್. ಆನಿ ಹಾಕಾ 2 ಲಾಕ್ 5 ಹಜಾರ್ ಖರ್ಚ್ ಜಾವ್ನ್, ಮಾನೆಸ್ತ್ ಅಲ್ವಿನ್ ಡೊಡ್ರಿಗಸ್ ಆನಿ ಮಾನೆಸ್ತ್ ಲ್ಯಾನ್ಸಿ ರೊಡ್ರಿಗಸ್ ಹ್ಯಾ ಯೋಜನಾಚೆಂ ಪ್ರಾಯೋಜಕ್ ಜಾವ್ನ್ ಆಸಾತ್.
- ಪಿಯುಸಿಂತ್ ಶಿಕ್ಚ್ಯಾ ಎಕಾ ಗರ್ಜೆವಂತ್ ವಿದ್ಯಾರ್ಥಿಕ್ ತಾಚಾ ಶಿಕ್ಪಾಚೊ ಪುರ್ತೊ ಖರ್ಚ್ ರುಪಯ್ 22,000/- ಶ್ರೀ ದೀಪಕ್ ಮಿನೇಜಸ್‍ನ್ ದಿಲಾ.
- ದೆ. ಎ.ಬಿ. ವೇಗಸ್ ಹಾಚಾ ಸ್ಮರಣಾರ್ಥ್ ವೃತ್ತಿ ಶಿಕ್ಷಣಣ್ ಜೊಡ್ಚ್ಯಾ ದೊಗಾಂ ವಿದ್ಯಾರ್ಥಿಂಕ್ ರೂ. 15,000 ಲೆಕಾರ್ 30,000 ರುಪಯ್ ಸ್ಕಾಲರ್‍ಶಿಪ್ ದಿಲಾಂ.
- ಪಿ.ಯು.ಸಿ. ಡಿಗ್ರಿ ಆನಿ ಉನ್ನತ್ ಶಿಕಪ್ ಶಿಕ್ಚ್ಯಾ ವಿದ್ಯಾರ್ಥಿಂಕ್ ತಾಂಚಾ ಮನವಿಕ್ ಸ್ಪಂದನ್ ಜಾವ್ನ್ ಪುರ್ತೊ ಸಹಕಾರ್ ದಿಲಾಂ.
- ಸಿ.ಎಲ್.ಸಿ.ಚ್ಯಾ ಸಾಂದ್ಯಾಂಚಿ ಭುರ್ಗಿಂ ಧಾವಿಂ, ಪಿಯುಸಿ, ಡಿಗ್ರಿ, ಸ್ನಾತಕೋತ್ತರ್, ತಾಂತ್ರಿಕ್
ಆನಿ ಕ್ರೀಸ್ತಿ ಶಿಕ್ಷಣಾಂತ್ ಡಿಸ್ಟಿಂಕ್ಷನ್ ಅಂಕ್ ಜೊಡ್‍ಲ್ಲ್ಯಾಂಕ್ ವರ್ಸಾನ್ ವರಸ್ ಸನ್ಮಾನ್ ಕರ್ನ್ ಆಸಾಂವ್.
ಖೆಳಾ ಕ್ಷೇತ್ರ್ :
ಎಕ್ವಟಾ ಖಾತಿರ್ ಖೆಳ್ ಪಂದ್ಯಾಟ್ ಮುಳ್ಳ್ಯಾ ಧ್ಯೇಯಾ ಖಾಲ್ ಮೊ| ಆ್ಯಂಟನಿ ಫತ್ರಾವೊ ಸ್ಮಾರಕ್ ಪುತ್ತೂರ್ ಫಿರ್ಗಜ್ ವಾಡ್ಯಾವಾರ್ ಕ್ರಿಕೆಟ್ ಟೂರ್ನಮೆಂಟ್ ಪಾಟ್ಲ್ಯಾ 30 ವರ್ಸಾಂ ಥಾವ್ನ್ ಯಶಸ್ವಿ ರಿತಿನ್ ಚಲೊವ್ನ್‍ಂಚ್ ಅಸಾಂವ್.
ಅನಾಥಾಶ್ರಮಾಚಿ ಬೆಟ್:
ಸಿ.ಎಲ್.ಸಿ ಸ್ಥಾಪನ್ ದಿಸಾ ನೋಜಿಬಾಳ್ತಿಲಾಚ್ಯಾ ಅನಾಥ್ ಆಸ್ಕತ್ ಸ್ತ್ರೀಯಾಂಚಾ ಆಶ್ರಮ್- ಮರಿಯಾಶ್ರಮಾಚಿ ಬೇಟ್ ಕೆಲ್ಯಾ. ಆಶ್ರಮ್-ವಾಸಿಂಕ್ ದನ್ಪರಾಚೆಂ ಜೆವಾಣ್ ತಶೆಂ ತಾಂಚಾ ಮನೋರಂಜನಾ ಖಾತಿರ್ 34 ಇಂಚ್ ಎಲ್.ಇ.ಡಿ ಟಿ.ವಿ ತಾಂಕಾ ಹಸ್ತಾಂತರ್ ಕೆಲಾಂ. ಹ್ಯಾ ಕಾರ್ಯಕ್ರಮಾಂತ್ ಸಾಂದ್ಯಾ ಸವೆಂ ಕುಟ್ಮಾದಾರಾನಿ ಭಾಗ್ ಘೆತ್ಲಾ.
ಜಾಗತಿಕ್ ಸಿ.ಎಲ್.ಸಿ ದಿವಸ್ :
ಪುತ್ತೂರ್ ಸಿ.ಎಲ್.ಸಿ ತರ್ಫೆನ್, ದಿಯೆಸೆಜಿಚ್ಯಾ ಇತರ್ ಸಿ.ಎಲ್.ಸಿ ಜಮ್ಯಾ ಸವೆಂ ಜಾಗತಿಕ್ ಸಿ.ಎಲ್.ಸಿ ದಿವಸ್ ಪುತ್ತೂರಾಂತ್À 2022 ಮಾ. 27 ತಾರ್ಕೆರ್ ಅಸಾ ಕೆಲಾ. ಹಾಂತು ದಿಯೆಜಿಚಿ ಸಿ.ಎಲ್.ಸಿ ಥಾವ್ನ್ 70 ಸಾಂದೆ ಆನಿ ಸಿ.ಎಲ್.ಸಿ ಕುಟ್ಮಾದಾರಾಂ ಹಾಜರ್ ಅಸ್‍ಲ್ಲಿ. ತಶೆಂಚ್ ಸಾಂ ಇನಾಸ್ ಲೊಯೊಲಾಚೆ ಫೆಸ್ತ್ ಆಚರಣ್ ಕೆಲಾ.
ಬೈಬಲ್ ಕ್ವಿಜ್ :
2022 ವ್ಯಾ ವರ್ಸಾಂ ಥಾವ್ನ್ ಫಿರ್ಗಜ್‍ಗಾರಾಂಕ್ ಬೈಬಲ್ ಕ್ವಿಜ್ ಚಲೊವ್ನ್ ವೆಲಾಂ ಹಾಕಾ ಹ್ಯಾ ವರ್ಸಾಂ ಒಟ್ಟುಕ್ ರೂ. 44,000/- ಖರ್ಚ್ ಜಾಲಾಂ.
ಇತರ್ ಸೆವಾ :
- ಪಾಸ್ಕಾಚಾ ಆಯ್ತಾರಾ ದಿಸಾ ಫಿರ್ಗಜ್‍ಗಾರಾಂಕ್ ಅಗ್ಮೆಂತ್ ಬಟ್ಳೆಂತ್ ವಾಡ್ಚ್ಯಾಕ್ ಸಹಕಾರ್ ದಿಲಾ.
ಪುತ್ತೂರ್ ಫಿರ್ಗೆಜೆಚಾ ಉದರ್ಗತೆ ಖಾತಿರ್ ಆನಿ ಸಾಂದ್ಯಾಚ್ಯಾ ಬರ್ಯಾಪಣಾಂ ಖಾತಿರ್ ಆಸ್ಚೊ ಆಮ್ಚೊಂ ಸಂಘಟನ್ ಆಮ್ಚಿಂ ಕಾರ್ಯಕ್ರಮಾಂ ಫಿರ್ಗಜ್‍ಗಾರಾಂಚಾ, ದಾನಿಂಚಾ ಸಹಕಾರನ್ ಕಾರ್ಯಗತ್ ಕರ್ನ್ ಆಸಾಂವ್. ವೆಳಾಕಾಳಾಕ್ ಸಹಜ್ ಜಾಲ್ಲಿಂ ಸಾಮಾಜಿಕ್ ಕಾರ್ಯಕ್ರಮಾಂ ನಿರಂತರ್ ಚಲವ್ನ್ ಆಸಾಂವ್.
ಆಮಿಂ ಅಸಾ ಕರ್ಚಿಂ ಯೋಜನಾ ಯಶಸ್ವಿ ಜಾಂವ್ಕ್ ಫಿರ್ಗಜ್‍ಗಾರಾಂಚೊ ಆರ್ತಿಕ್ ಪ್ರೋತ್ಸಾಹ್, ಸಾಂದ್ಯಾಚೊ ಎಕಾ ಮನಾಚೊ ವಾವ್ರ್ ಆನಿ ವಿಗಾರ್ ಬಾಪಾಚೆಂ ಮಾರ್ಗದರ್ಶನ್ ಕಾರಣ್ ಜಾವ್ನಾಸಾ.
ಪಾಟ್ಲ್ಯಾ 44 ವರ್ಸಾಂನಿ ಸರ್ವ್ ರಿತಿಚೊ ಸಹಕಾರ್ ದಿಲ್ಲ್ಯಾ ಫಿರ್ಗಜ್ ಯಾಜಾಕ್ ಬಾಪಾಂಚೊ ಹಿತ-ಚಿಂತಕಾಂಚೊ, ದಾನಿಂಚೊ, ವಾಡ್ಯಾಚಾ ಗುರ್ಕಾರಾಂಚೊ ಮನಪೂರ್ವಕಿಂ ಉಪ್ಕಾರ್ ಭಾವುಡ್ತಾಂವ್ ಆನಿ ಹೊ ಸಂಘಟನ್ ಏಕ್ ಆದರ್ಶ್ ಸಮೂದಾಯ್ ಜಾಂವ್ಕ್ ಗರ್ಜ್ ಅಸ್‍ಲ್ಲಿ ಕುರ್ಪಾ ಧನ್ಯಾ ದೆವಾಲಾಗಿಂ ಮಾಗ್ತಾಂವ್.
ದೇವ್ ಬರೆಂ ಕರುಂ.
ವಿಲಿಯಂ ನೊರೊನ್ಹ
ಕಾರ್ಯದರ್ಶಿ, ಸಿಎಲ್‍ಸಿ, ಪುತ್ತೂರ್
ತಾ. 11-06-2023
